News & Gossip »News & Gossip
Share |
अर्का रामकृष्ण ढकाल फेला परे !
5 October 2008-Sunday
-Achyut Koirala

बाल रामकृष्ण ढकालको झझल्को दिने नयाँ गायक फेला परेका छन् । यो हामीले भनेका होइनौँ । यी नयाँ प्रतिभाको स्वर सुनेर केही संगीतकर्मीले भनेका हुन् ।

१२ वर्षको उमेरमा नै भव्यतम कन्सर्ट दिने रामकृष्ण ढकालको प्रतिभालाइ पछ्याउँदै काठमाडौँको लिटिल एञ्जेल्सको कक्षा ८ मा अध्ययरत मनीष चौधरीले पनि एकल कन्सर्ट गर्ने भएका छन् । उनको प्रतिभा सुन्ने, बुझ्ने जो कोहीले पनि उनलाइ नयाँ रामकृष्ण ढकालको संज्ञा दिन थालेका छन् ।

लहान स्थायी घर भएका यी बालक हेर्दाका मात्र बालक हुन्, सांगीतिक ज्ञान चाहिँ कुनै पाका संगीतकर्मीभन्दा कम छैन । राजधानीमा शनिबार उनकै सांगीतिक सुझबुझसम्बन्धी कार्यक्रम नेपाल सङ्गीत रिर्सच सेन्टरले आयोजन गर्ने भएको छ ।

उनका पिताले इण्डियन आइडोलको एउटा भीसीडी किनेर घर लाहान पुग्दा दुरुस्तै स्वरमा मनीषले गाउन थालेको पाएपछि आफ्नो छोराको प्रतिभा चाल पाएका थिए । त्यसपछि घरकै कान्छा छोरालाई गाउन हौस्याउन थालेपछि अहिले उनी छुरा भएर निस्किएका हुन् ।

तर छोरालाई प्रमोट गर्न प्रशस्त रकम नभएका कारण अबको बाटो के हुने हो भन्ने अन्यौल पनि उत्तिकै छाएको छ । सुरेश अधिकारीजस्ता चर्चित संगीतकारले मनीषलाई अरु कुनै बाटोमा नलाग्न सुझाव र सल्लाह दिएका छन् ।

संगीतकार अधिकारीले यो उमेरमै संगीतमा लागेको खण्डमा भविष्य उज्ज्वल हुने र बाटो देखाउने व्यक्तिहरु भएको खण्डमा निकै माथि जान सक्ने भनी हौस्याएकोमा मनीष दंग छन् । उनी आफू शनिबार राजधानीको सभागृहमा हुने आफ्नो गायन कला कस्तो हुने हो भन्ने चासोमा त छँदैछन्, साथमा यसलाई स्मरणीय बनाउन पनि लागिपरेका छन् ।

तर आफ्नो यो प्रस्तुति धाँसु हुनेमा पूर्ण विश्वस्त छन् । किनभने यसअघि पनि पोखरामा उनले गरेको एक कार्यक्रम भव्यतम् सफल भएको थियो ।

उनको यो कार्यक्रम पूर्ण रुपमा सफल होस्, शुभकामना छ ।

 
Click Here To Read Previously Posted Article    Click Here To Read Next Article          

 

  latest events More Events  

Merorug Showroom Opening!

CG Lux Kamana Film Awards 2075

CG Lux Kamana Film Awards 2075 - Red Carpet

A Conversation With Prabal Gurung
 
 
 
 
 
© Copyright 1997 to 2021 CyberSansar.com.
All Rights Reserved.

Contact Us
| Our Team

Photos & all other content of this site cannot be copied/reused without permission.