Celebrity Dating
फ्यानलाई कुर्दा...
22 September 2008-Monday
-Achyut Koirala

 Click here to view photo gallery »

 

सामान्यतयाः स्टारलाई फ्यानहरुले कुर्छन् । स्टारलाई कुर्नुको मजै बेग्लै हुन्छ । तर स्टारहरु कुर्नमा उति मजा मान्दैनन् । उनीहरुलाई कुर्नुजस्तो बेमज्जा केहीमा छैन । त्यसैले त कलाकारहरु सुटिङस्थलमा निकै ढिला आइपुग्छन्, ताकि कुर्नु नपरोस् ।

यस पटकको सेलिब्रिटी डेटिङका लागि पहिलो चलचित्रबाट नै मज्जैले लोकप्रिय बन्न सफल भएका राज बल्लभ कोइरालालाई छानेका थियौँ । र, साइबरसंसारमा नेपाली चलचित्र उद्योगबाट पहिलो पटक पुरुष कलाकारलाई हामीले सेलिब्रिटी डेटिङका लागि छानेका थियौँ र उनको पोल्टामा प्रशस्त फ्यानहरु आएको हामीले इमेलमार्फत् देखेका थियौँ ।

तर डेटिङका दिन कलाकार राज बल्लभ मात्र होइन, साइबर संसार र च्यानल नेपालको आधा दर्जन समूह राम्रै कुराईमा पर्‍यो । डेटिङमा आउने भनिएकी विजेता मुना मोक्तानको अत्तोपत्तो थिएन । उनी फोनमा बेलाबेला आफूहरु आइरहेको जानकारी त दिइरहेकी थिइन् तर कहाँ आइपुगिन् भन्ने जानकारी नपाएर हामी सबै चकित परिरहेका थियौँ ।

अन्ततः छुट्याइएको समयभन्दा उनी दुइ घण्टा ढिलो कार्यक्रमस्थलमा माफी माग्दै आइपुगिन् र उनी एक्लै चाहिँ थिइनन् । उनले आफूसँग अर्की एक साथी लिएर आएकी थिइन् ।

भर्खरै बीबीएस दोस्रो वर्षको परीक्षा दिइरहेकी हुनाले उनले बारम्बार डेटिङ सार्न साइबरसंसारलाई दवाव दिइरहेकी थिइन् ताकि फूर्सदमा राम्रैसँग डेटिङ गरुँ । तर हाम्रा पनि निश्चित सीमा हुनाले हामीले उनको अनुरोधलाई स्वीकार गर्न सकेनौँ । बिहीबार दिउँसो मुना साथीसहित आइपुग्दा हस्याङफस्याङ उनी भोलि (शुक्रबार) दिनुपर्ने परीक्षाका बारेमा चिन्ता व्यक्त गर्दै थिइन् ।

राज बल्लभका लागि यो किसिमको पहिलो डेटिङ थियो र मेरो विचारमा योजस्तो स्मरणीय डेटिङ शायदै भयो होला । सधैँभरि अरुलाई कुराउने उनी, त्यस दिन फ्यानको कुराइमा बस्दा उनको छटपटी हेर्न लायकको थियो ।

आउनुहोस्, त्यसबेला भएका कुराकानीलाई भिडियोमै हेरौँ-

 

 

Download Video

 
Click Here To Read Previously Posted Article    Click Here To Read Next Article          

 

  latest events More Events  

Pink Carnival

Spinz Valentine's Day Celebration 2017

Ramkrishna Dhakal's 'Yesto Ko Hau Timi' Video Launching!

Partynepal Talent Management Agency Launching!
 
 
 
 
 
© Copyright 1997 to 2014 CyberSansar.com.
All Rights Reserved.

Contact Us
| Our Team

Photos & all other content of this site cannot be copied/reused without permission.